| 東莞之旅29/6-3/7/09 東莞之旅似閃電般完結...時間過得快...是因為有規律而充實...對於那個教練...我不想批評...或者是我的學生讓他提不起勁啦..只好事事親力親為...說實在...每天都很辛苦...那密不通風的場館...就算站著不動都會流汗...何況每天要待在那練4個鐘...每天練習都全衫濕透...幸好我帶左十幾件衫...雖然辛苦,但見到學生們都努力的練卻是一種很大的安慰...由此至終...我很強調的是態度...態度差...想進步都難...有誰可以懶懶閒就考第一?有付出才有收獲...只有你練無限咁多次...技術先會變得機械化.........我很討厭自己都未顧掂自己卻又喜歡挑剔批評的人...如果你認為自己好叻...請你多想想自己可否幫到隊友?是否已經叻到無進步的空間?請勿擺出一副高姿態要別人特別的遷就你...因為團體運動容不下個人主義....而那些喜歡搬弄是非扇風點火的就更罪加一等...無聊透頂.....如果經過這5天他們真的會成長一點...變得成熟一點...那大家的辛勞才變得有價值 除左練習...也抽時間到他們房間吹吹水...看著他們傻傻的...無聊一句就大笑一餐...真讓人懷念自己小時候的無憂無慮...生活在他們這一代...的確很幸福...希望他們懂得知足常樂啦 真希望妳的說話不存欺騙...否則...我對妳感到失望!!! 最後一天輕鬆開心的拍照留念...老師也忘我...哈哈...拍左一輯搞笑兼有動感的沙龍....要特別鳴親5日來不辭勞苦的助手亞傑...全靠佢...減輕我左我的工作...又幫我地拍左好多有質素又珍貴的相 總括黎講...呢個camp是開心且難忘的!! camp後回港燒不停-不退燒96小時 camp完返家當然係好開心...不過可能5日太操勞..回家後覺得好累好累...可能又有少少感冒...星期六已經食樂信...點知都無用...惡夢0係星期日就開始...星期日訓到10點幾...個人發晒冷又頭痛..諗住食樂信加panadol...食完野再訓,訓醒時就仲唔妥...明明個身起晒雞皮但個頭就好興...立即去左港安...睇左四百幾蚊針都無打就叫我返去食藥...完全係廢的...燒左成晚第二日就去睇馮醫生...打左針又食藥...星期二朝早好似好d退左燒就唔再食退燒藥...點知一唔食下午又燒..結果keep住食到夜晚又好似好返d...諗住第二日返工..要formal dress所以燙左裙...但訓到半夜個頭好痛好痛...自己爬起身出廳探熱...又101度...即刻再食退燒藥攤0係梳化...直至尹生起身問我咩事...結果搭的士再去睇醫生...我實在唔明點解燒左咁多日都唔退呢...我老實問醫生係咪h1n1佢又話唔係...只係話我感冒菌入腸聲帶發炎同喉嚨發炎...結果佢話而家要連打三日針...我真係好怕打針...平時連唔洗錢的預防流感針我都唔打..而家仲連打3日...真係好辛苦...真的希望打完3日針會好返..因為我已經受不了每次訓醒都探熱...每次飲水食野喉嚨都好痛...更受不了每日都要食幾十粒藥丸跟那苦澀的藥水...未食已經想嘔...見到成枱都係藥...好難受...連日黎都最多都係落樓搭的士去診所..咩人都無見...也不敢跟爸媽說...第一晚同佢地講發燒已經大為緊張...因為唔想老人家擔心..跟他們說第二日已經退燒了...一個病的人呆在家...感覺原來係咁痛苦... 因為發燒的關係..兩日無返工...無去s.5 的grad din, 就連今晚凱怡飛機b的滿月酒都去不了...對不起...希望快d好返可以去探亞b! |
| |
| 真正的朋友...經得起任何考驗... 凡事將心比己...多從別人的立場想一想...可免了很多不必要的衝突... 與其說是說非..互相猜疑...倒不如大家開開心心...為自己留下更多美好的回憶... 既然"最害怕失去的...是朋友"...就要懂得好好珍惜! 希望妳們的問題早日解決...大家開開心心的上學去...打波去...東莞去啦.... 今日係大掃除的日子...幸好有乖仔乖女挨義氣的返黎執、執、執...掃、掃、掃... 三小時體育室如期清洗完畢...辛苦大家...^^ 想不到回家又係要大清洗...很累人的一"整"日!! 帶回家的卷...一定一定要搞掂...絕對唔能夠原封不動!!! |
| |
| 一年無寫的xanga....今日突然有興趣.... last exam day...監考監一小時四十分....行來行去....拉下筋望下窗...隻眼都不由自主咁合埋-_-" 好彩係final 喇...終於停止讓人頭暈窒息的監考... 考完試...下星期會停課嗎? 就算停...都想去埋個camp先... |
| |
| 默哀 因為拗柴...所以今日無返工... 1428..我一個人在默哀... 感覺很冷...天災的冷酷無情... 相比起當地的災民...我們現在的煩惱...不濟...失意...算是什麼?? 什麼也不是...... 不要將思緒只集中在自己渺小的世界裡...世界裡不幸的人多的是... 我...只要身邊的家人朋友學生平安、健康、快樂就好! 學懂珍惜...知足常樂... |
| |
| 感動 李sir今朝俾左篇文我睇...內容真係令我好感動...讓我從疲倦的精神狀態中突然醒一醒^^ 很感激那同學對我的尊重...同學仔說我的一句半句稱讚能給她動力...讓她繼續堅持不放棄... 其實...就是因為她的努力及認真的態度才讓我想繼續堅持下去的... 她從不斷的挫敗中學習...比別人努力百倍... 事實上...我覺得她更加值得被尊重...希望她會繼續這信念...我...很期待她成功的一天! 星期四...今天只是星期四....... |
| |
